NOTE: THIS IS NOT PART OF THE HANDBOOK BUT I THINK IT IS A GOOD THING TO SHARE ANYWAY
You were not created to be someone else.
Also, the gifts you are given, are not intended for you to hoard for just yourself but were meant to benefit others.
This story is told at the friends renewed festival.
ᏌᏊ ᎢᏳᏩᎨᏗ ᏲᎾ ᎤᏚᎸᎮ ᏥᏍᏚ ᎠᎨᎳᏍᏙᏗ. ᎰᏩᏃ ᏥᏍᏚ ᎤᎸᏤ ᏲᎾ ᏧᏪᏅᏒ ᏚᏯᏃ ᏚᏩᏂᏍᏕ. ᎪᎢᏃ Ꮭ ᏳᎮ ᏧᏑᏴᏓ ᏚᏯ. ᏲᎾᏃ ᎤᏓᏰᏝᎴ ᎠᏍᏆᎨᏂ ᎠᎴ ᎤᏁᏩᏛᎮ ᎪᎢ ᎤᎾᏓᏍᏓᏴᏙᏗ. ᏥᏍᏚᏃ ᎤᏍᏆᏂᎦᏓ ᎤᏰᎸᏁ ᎠᎴ ᎤᏓᏅᏖᏞ ᎾᏊᏊᏃ ᏯᏛᎾᏓ ᎪᎢ ᏲᏂᎬᎦ. ᎠᏂᎩᏍᎬᏃ ᏥᏍᏚ ᎯᎠ ᏄᏪᎵᏎ. ᏪᏙᎸ ᏗᏓᏁᎸᎢ ᎬᏰᎳᏍᏔᏅᎢ ᎤᎩᎭ ᎢᏳᏒᎯᏓ ᎢᏴᎢ. ᏲᎾᏃ ᏭᎷᏤ ᏥᏍᏚ ᏧᏪᏅᏒ ᏚᏯ ᏑᏩᏂᏍᎦ ᎪᎢᏃ ᎤᏯᎴ ᏧᏑᏴᏓ. ᎠᏰᎵᏍᏗ ᏭᏴᎮ ᎠᎴ ᎠᏍᏆᎨᏂ ᎤᏓᏰᏝᎴ. ᎠᏎᏃ Ꮭ ᎪᎢ ᏳᏁᏩᏛᎮ ᎩᎦᏍᎩᏂ ᏧᏤᏬᏤ ᎠᎴ ᎤᏅᏤ ᎤᏲᎱᏍᏕᎾ. ᏲᎾᏃ ᎤᏭᏖᏎ ᏥᏍᏚ, ᏍᏓᏯ ᏚᎸᏫᏍᎳᏁᎴ ᎠᎦᎸᏒᎲ ᎤᏓᏰᏝᎸ. ᏲᎾᏃ ᎯᎠ ᏄᏪᏎᎴ ᏥᏍᏚ. ᎠᏴᏃ ᎨᏴ ᎠᏆᏔᎾ ᎠᎴ ᏥᏔᏦᎯᏓ ᎠᎩᏁᎦᎸ ᎭᏫᎾᏗᏜ. ᎾᏍᎩᏃ ᎢᏳᏍᏗ ᏯᏆᏓᏰᏝᎵ Ꮭ ᎪᎱᏍᏗ ᏯᏆᎵᏍᏗᏁᎰ. ᏂᎯᏃ ᏣᏍᏗ ᎠᎴ ᏣᎴᏐᏓ ᏝᏃ ᎾᏍᎩ ᏱᏂᎦᎭᏛᎦ.
